Azərbaycan Avtomobil Federasiyası və Təhsil Nazirliynin ümumtəhsil məktəblərinin şagirdləri üçün təşkil etdiyi “Yollarda təhlükəsiz davranışı öyrənək” intellektual yarışının iştirakçılarına Heydər Əliyev Mərkəzində təlim keçirilib.
Yarış ərəfəsindəki təlimdə şagirdlərə yol hərəkəti qaydalarının və avtomobillərin tarixi, yol hərəkətinin iştirakçıları, nəqliyyat vasitələri, sürücülük hüququ, avtomobil yolları, yol hərəkəti ilə bağlı maraqlı və əyləncəli faktlar, avtomobillərin quruluşu və digər mövzular üzrə məlumat verilib.
