İyulun 5-də Dövlət Bayrağı Meydanında Azərbaycan Avtomobil Federasiyasının (AAF) təşkilatçılığı, Bakı Şəhər Halqası Əməliyyat Şirkəti və “Caspian Event Organisers” şirkətinin həmtəşkilatçılığı ilə Bakı Sürət Festivalı keçirilib.
Festivalda sürət həvəskarları üçün rəqabətlə dolu “US Legend Cars” yarışının təsnifat və final mərhələləri baş tutub. Nəticədə Adil Axundov yarışı 1-ci, Murad Həsənov 2-ci, Fərid Quliyev isə 3-cü yerdə başa vurublar.
Festival çərçivəsində, həmçinin möhtəşəm drift-şou və avtomobil sənayesindəki yeniliklərin nümayiş olunduğu sərgi də təşkil olunub.
Günün sonunda qalib pilotlar mükafatlandırılıblar.
